Gakara Sri Ganapathi Sahasranama Stotram – गकारादि श्री गणपति सहस्रनाम स्तोत्रम्
अस्य श्रीगणपतिगकारादिसहस्रनाममालामन्त्रस्य दुर्वासा ऋषिः अनुष्टुप्छन्दः श्रीगणपतिर्देवता गं बीजं स्वाहा शक्तिः ग्लौं कीलकं मम सकलाभीष्टसिद्ध्यर्थे जपे विनियोगः ।
न्यासः ।
ओं अङ्गुष्ठाभ्यां नमः ।
श्रीं तर्जनीभ्यां नमः ।
ह्रीं मध्यमाभ्यां नमः ।
क्रीं अनामिकाभ्यां नमः ।
ग्लौं कनिष्ठिकाभ्यां नमः ।
गं करतलकरपृष्ठाभ्यां नमः ।
ओं हृदयाय नमः ।
श्रीं शिरसे स्वाहा ।
ह्रीं शिखायै वषट् ।
क्रीं कवचाय हुम् ।
ग्लौं नेत्रत्रयाय वौषट् ।
गं अस्त्राय फट् ।
भूर्भुवस्सुवरोमिति दिग्बन्धः ।
ध्यानम् ।
ओङ्कार सन्निभमिभाननमिन्दुभालम्
मुक्ताग्रबिन्दुममलद्युतिमेकदन्तम् ।
लम्बोदरं कलचतुर्भुजमादिदेवं
ध्यायेन्महागणपतिं मतिसिद्धिकान्तम् ॥
ध्यायेन्नित्यं गणेशं परमगुणयुतं चित्तसंस्थं त्रिणेत्रम्
एकं देवं त्वनेकं परमसुखयुतं देवदेवं प्रसन्नम् ।
शुण्डादण्डाढ्यगण्डोद्गलितमदजलोल्लोल मत्तालिमालम्
श्रीमन्तं विघ्नराजं सकलसुखकरं श्रीगणेशं नमामि ।
स्तोत्रम् ।
ओं गणेश्वरो गणाध्यक्षो गणाराध्यो गणप्रियः ।
गणनाथो गणस्वामी गणेशो गणनायकः ॥ 1 ॥
गणमूर्तिर्गणपतिर्गणत्राता गणञ्जयः ।
गणपोऽथ गणक्रीडो गणदेवो गणाधिपः ॥ 2 ॥
गणज्येष्ठो गणश्रेष्ठो गणप्रेष्ठो गणाधिराट् ।
गणराड्गणगोप्ताथ गणाङ्गो गणदैवतम् ॥ 3 ॥
गणबन्धुर्गणसुहृद्गणाधीशो गणप्रथः ।
गणप्रियसखः शश्वद्गणप्रियसुहृत्तथा ॥ 4 ॥
गणप्रियरतो नित्यं गणप्रीतिविवर्धनः ।
गणमण्डलमध्यस्थो गणकेलिपरायणः ॥ 5 ॥
गणाग्रणीर्गणेशानो गणगीतो गणोच्छ्रयः ।
गण्यो गणहितो गर्जद्गणसेनो गणोद्धतः ॥ 6 ॥
गणभीतिप्रमथनो गणभीत्यपहारकः ।
गणनार्हो गणप्रौढो गणभर्ता गणप्रभुः ॥ 7 ॥
गणसेनो गणचरो गणप्रज्ञो गणैकराट् ।
गणाग्र्यो गणनामा च गणपालनतत्परः ॥ 8 ॥
गणजिद्गणगर्भस्थो गणप्रवणमानसः ।
गणगर्वपरीहर्ता गणो गणनमस्कृतः ॥ 9 ॥
गणार्चिताङ्घ्रियुगलो गणरक्षणकृत्सदा ।
गणध्यातो गणगुरुर्गणप्रणयतत्परः ॥ 10 ॥
गणागणपरित्राता गणाधिहरणोद्धुरः ।
गणसेतुर्गणनुतो गणकेतुर्गणाग्रगः ॥ 11 ॥
गणहेतुर्गणग्राही गणानुग्रहकारकः ।
गणागणानुग्रहभूर्गणागणवरप्रदः ॥ 12 ॥
गणस्तुतो गणप्राणो गणसर्वस्वदायकः ।
गणवल्लभमूर्तिश्च गणभूतिर्गणेष्टदः ॥ 13 ॥
गणसौख्यप्रदाता च गणदुःखप्रणाशनः ।
गणप्रथितनामा च गणाभीष्टकरः सदा ॥ 14 ॥
गणमान्यो गणख्यातो गणवीतो गणोत्कटः ।
गणपालो गणवरो गणगौरवदायकः ॥ 15 ॥
गणगर्जितसन्तुष्टो गणस्वच्छन्दगः सदा ।
गणराजो गणश्रीदो गणाभयकरः क्षणात् ॥ 16 ॥
गणमूर्धाभिषिक्तश्च गणसैन्यपुरस्सरः ।
गुणातीतो गुणमयो गुणत्रयविभागकृत् ॥ 17 ॥
गुणी गुणाकृतिधरो गुणशाली गुणप्रियः ।
गुणपूर्णो गुणाम्भोधिर्गुणभाग्गुणदूरगः ॥ 18 ॥
गुणागुणवपुर्गौणशरीरो गुणमण्डितः ।
गुणस्त्रष्टा गुणेशानो गुणेशोऽथ गुणेश्वरः ॥ 19 ॥
गुणसृष्टजगत्सङ्घो गुणसङ्घो गुणैकराट् । [गुणमुख्यो]
गुणप्रवृष्टो गुणभूर्गुणीकृतचराचरः ॥ 20 ॥
गुणप्रवणसन्तुष्टो गुणहीनपराङ्मुखः ।
गुणैकभूर्गुणश्रेष्ठो गुणज्येष्ठो गुणप्रभुः ॥ 21 ॥
गुणज्ञो गुणसम्पूज्यो गुणैकसदनं सदा ।
गुणप्रणयवान् गौणप्रकृतिर्गुणभाजनम् ॥ 22 ॥
गुणिप्रणतपादाब्जो गुणिगीतो गुणोज्ज्वलः ।
गुणवान् गुणसम्पन्नो गुणानन्दितमानसः ॥ 23 ॥
गुणसञ्चारचतुरो गुणसञ्चयसुन्दरः ।
गुणगौरो गुणाधारो गुणसंवृतचेतनः ॥ 24 ॥
गुणकृद्गुणभृन्नित्यं गुणाग्र्यो गुणपारदृक् । [गुण्यो]
गुणप्रचारी गुणयुग्गुणागुणविवेककृत् ॥ 25 ॥
गुणाकरो गुणकरो गुणप्रवणवर्धनः ।
गुणगूढचरो गौणसर्वसंसारचेष्टितः ॥ 26 ॥
गुणदक्षिणसौहार्दो गुणलक्षणतत्त्ववित् ।
गुणहारी गुणकलो गुणसङ्घसखस्सदा ॥ 27 ॥
गुणसंस्कृतसंसारो गुणतत्त्वविवेचकः ।
गुणगर्वधरो गौणसुखदुःखोदयो गुणः ॥ 28 ॥
गुणाधीशो गुणलयो गुणवीक्षणलालसः ।
गुणगौरवदाता च गुणदाता गुणप्रदः ॥ 29 ॥
गुणकृद्गुणसम्बन्धो गुणभृद्गुणबन्धनः ।
गुणहृद्यो गुणस्थायी गुणदायी गुणोत्कटः ॥ 30 ॥
गुणचक्रधरो गौणावतारो गुणबान्धवः ।
गुणबन्धुर्गुणप्रज्ञो गुणप्राज्ञो गुणालयः ॥ 31 ॥
गुणधाता गुणप्राणो गुणगोपो गुणाश्रयः ।
गुणयायी गुणाधायी गुणपो गुणपालकः ॥ 32 ॥
गुणाहृततनुर्गौणो गीर्वाणो गुणगौरवः ।
गुणवत्पूजितपदो गुणवत्प्रीतिदायकः ॥ 33 ॥
गुणवद्गीतकीर्तिश्च गुणवद्बद्धसौहृदः ।
गुणवद्वरदो नित्यं गुणवत्प्रतिपालकः ॥ 34 ॥
गुणवद्गुणसन्तुष्टो गुणवद्रचितस्तवः ।
गुणवद्रक्षणपरो गुणवत्प्रणतप्रियः ॥ 35 ॥
गुणवच्चक्रसञ्चारो गुणवत्कीर्तिवर्धनः ।
गुणवद्गुणचित्तस्थो गुणवद्गुणरक्षकः ॥ 36 ॥
गुणवत्पोषणकरो गुणवच्छत्रुसूदनः ।
गुणवत्सिद्धिदाता च गुणवद्गौरवप्रदः ॥ 37 ॥
गुणवत्प्रणवस्वान्तो गुणवद्गुणभूषणः ।
गुणवत्कुलविद्वेषिविनाशकरणक्षमः ॥ 38 ॥
गुणिस्तुतगुणो गर्जप्रलयाम्बुदनिस्स्वनः ।
गजो गजपतिर्गर्जद्गजयुद्धविशारदः ॥ 39 ॥
गजास्यो गजकर्णोऽथ गजराजो गजाननः ।
गजरूपधरो गर्जद्गजयूथोद्धरध्वनिः ॥ 40 ॥
गजाधीशो गजाधारो गजासुरजयोद्धुरः ।
गजदन्तो गजवरो गजकुम्भो गजध्वनिः ॥ 41 ॥
गजमायो गजमयो गजश्रीर्गजगर्जितः ।
गजमयाहरो नित्यं गजपुष्टिप्रदायकः ॥ 42 ॥
गजोत्पत्तिर्गजत्राता गजहेतुर्गजाधिपः ।
गजमुख्यो गजकुलप्रवरो गजदैत्यहा ॥ 43 ॥
गजकेतुर्गजाध्यक्षो गजसेतुर्गजाकृतिः ।
गजवन्द्यो गजप्राणो गजसेव्यो गजप्रभुः ॥ 44 ॥
गजमत्तो गजेशानो गजेशो गजपुङ्गवः ।
गजदन्तधरो गुञ्जन्मधुपो गजवेषभृत् ॥ 44 ॥
गजच्छद्म गजाग्रस्थो गजयायी गजाजयः ।
गजराड्गजयूथस्थो गजगञ्जकभञ्जकः ॥ 45 ॥
गर्जितोज्झितदैत्यासुर्गर्जितत्रातविष्टपः ।
गानज्ञो गानकुशलो गानतत्त्वविवेचकः ॥ 46 ॥
गानश्लाघी गानरसो गानज्ञानपरायणः ।
गानागमज्ञो गानाङ्गो गानप्रवणचेतनः ॥ 47 ॥
गानकृद्गानचतुरो गानविद्याविशारदः ।
गानध्येयो गानगम्यो गानध्यानपरायणः ॥ 48 ॥
गानभूर्गानशीलश्च गानशाली गतश्रमः ।
गानविज्ञानसम्पन्नो गानश्रवणलालसः ॥ 49 ॥
गानायत्तो गानमयो गानप्रणयवान् सदा ।
गानध्याता गानबुद्धिर्गानोत्सुकमनाः पुनः ॥ 50 ॥
गानोत्सुको गानभूमिर्गानसीमा गुणोज्ज्वलः ।
गानाङ्गज्ञानवान् गानमानवान् गानपेशलः ॥ 51 ॥
गानवत्प्रणयो गानसमुद्रो गानभूषणः ।
गानसिन्धुर्गानपरो गानप्राणो गानाश्रयः ॥ 52 ॥
गानैकभूर्गानहृष्टो गानचक्षुर्गानैकदृक् ।
गानमत्तो गानरुचिर्गानविद्गानवित्प्रियः ॥ 53 ॥
गानान्तरात्मा गानाढ्यो गानाभ्राजत्सुभास्वरः ।
गानमायो गानधरो गानविद्याविशोधकः ॥ 54 ॥
गानाहितघ्नो गानेन्द्रो गानलीनो गतिप्रियः ।
गानाधीशो गानलयो गानाधारो गतीश्वरः ॥ 55 ॥
गानवन्मानदो गानभूतिर्गानैकभूतिमान् ।
गानतानरतो गानतानध्यानविमोहितः ॥ 56 ॥
गुरुर्गुरूदरश्रोणिर्गुरुतत्त्वार्थदर्शनः ।
गुरुस्तुतो गुरुगुणो गुरुमायो गुरुप्रियः ॥ 57 ॥
गुरुकीर्तिर्गुरुभुजो गुरुवक्षा गुरुप्रभः ।
गुरुलक्षणसम्पन्नो गुरुद्रोहपराङ्मुखः ॥ 58 ॥
गुरुविद्यो गुरुत्राणो गुरुबाहुर्बलोच्छ्रयः ।
गुरुदैत्यप्राणहरो गुरुदैत्यापहारकः ॥ 59 ॥
गुरुगर्वहरो गुह्यप्रवरो गुरुदर्पहा ।
गुरुगौरवदायी च गुरुभीत्यपहारकः ॥ 60 ॥
गुरुशुण्डो गुरुस्कन्धो गुरुजङ्घो गुरुप्रथः ।
गुरुफालो गुरुगलो गुरुश्रीर्गुरुगर्वनुत् ॥ 61 ॥
गुरूरुर्गुरुपीनांसो गुरुप्रणयलालसः ।
गुरुमुख्यो गुरुकुलस्थायी गुरुगुणस्सदा ॥ 62 ॥
गुरुसंशयभेत्ता च गुरुमान्यप्रदायकः ।
गुरुधर्मसदाराध्यो गुरुधर्मनिकेतनः ॥ 63 ॥ [धार्मिक]
गुरुदैत्यकुलच्छेत्ता गुरुसैन्यो गुरुद्युतिः ।
गुरुधर्माग्रगण्योऽथ गुरुधर्मधुरन्धरः ।
गरिष्ठो गुरुसन्तापशमनो गुरुपूजितः ॥ 64 ॥
गुरुधर्मधरो गौरधर्माधारो गदापहः ।
गुरुशास्त्रविचारज्ञो गुरुशास्त्रकृतोद्यमः ॥ 65 ॥
गुरुशास्त्रार्थनिलयो गुरुशास्त्रालयस्सदा ।
गुरुमन्त्रो गुरुश्रेष्ठो गुरुमन्त्रफलप्रदः ॥ 66 ॥
[*गुरुपातकसन्दोहप्रायश्चित्तायितार्चनः*]
गुरुस्त्रीगमनोद्दामप्रायश्चित्तनिवारकः ।
गुरुसंसारसुखदो गुरुसंसारदुःखभित् ॥ 67 ॥
गुरुश्लाघापरो गौरभानुखण्डावतंसभृत् ।
गुरुप्रसन्नमूर्तिश्च गुरुशापविमोचकः ॥ 68 ॥
गुरुकान्तिर्गुरुमहान् गुरुशासनपालकः ।
गुरुतन्त्रो गुरुप्रज्ञो गुरुभो गुरुदैवतम् ॥ 69 ॥
गुरुविक्रमसञ्चारो गुरुदृग्गुरुविक्रमः ।
गुरुक्रमो गुरुप्रेष्ठो गुरुपाषण्डखण्डकः ॥ 70 ॥
गुरुगर्जितसम्पूर्णब्रह्माण्डो गुरुगर्जितः ।
गुरुपुत्रप्रियसखो गुरुपुत्रभयापहः ॥ 71 ॥
गुरुपुत्रपरित्राता गुरुपुत्रवरप्रदः ।
गुरुपुत्रार्तिशमनो गुरुपुत्राधिनाशनः ॥ 72 ॥
गुरुपुत्रप्राणदाता गुरुभक्तिपरायणः ।
गुरुविज्ञानविभवो गौरभानुवरप्रदः ॥ 73 ॥
गौरभानुस्तुतो गौरभानुत्रासापहारकः ।
गौरभानुप्रियो गौरभानुर्गौरववर्धनः ॥ 74 ॥
गौरभानुपरित्राता गौरभानुसखस्सदा ।
गौरभानुप्रभुर्गौरभानुभीतिप्रणाशनः ॥ 75 ॥
गौरीतेजस्समुत्पन्नो गौरीहृदयनन्दनः ।
गौरीस्तनन्धयो गौरीमनोवाञ्छितसिद्धिकृत् ॥ 76 ॥
गौरो गौरगुणो गौरप्रकाशो गौरभैरवः ।
गौरीशनन्दनो गौरीप्रियपुत्रो गदाधरः ॥ 77 ॥
गौरीवरप्रदो गौरीप्रणयो गौरसच्छविः ।
गौरीगणेश्वरो गौरीप्रवणो गौरभावनः ॥ 78 ॥
गौरात्मा गौरकीर्तिश्च गौरभावो गरिष्ठदृक् ।
गौतमो गौतमीनाथो गौतमीप्राणवल्लभः ॥ 79 ॥
गौतमाभीष्टवरदो गौतमाभयदायकः ।
गौतमप्रणयप्रह्वो गौतमाश्रमदुःखहा ॥ 80 ॥
गौतमीतीरसञ्चारी गौतमीतीर्थनायकः ।
गौतमापत्परिहारो गौतमाधिविनाशनः ॥ 81 ॥
गोपतिर्गोधनो गोपो गोपालप्रियदर्शनः ।
गोपालो गोगणाधीशो गोकश्मलनिवर्तकः ॥ 82 ॥
गोसहस्रो गोपवरो गोपगोपीसुखावहः ।
गोवर्धनो गोपगोपो गोमान्गोकुलवर्धनः ॥ 83 ॥
गोचरो गोचराध्यक्षो गोचरप्रीतिवृद्धिकृत् ।
गोमी गोकष्टसन्त्राता गोसन्तापनिवर्तकः ॥ 84 ॥
गोष्ठो गोष्ठाश्रयो गोष्ठपतिर्गोधनवर्धनः ।
गोष्ठप्रियो गोष्ठमयो गोष्ठामयनिवर्तकः ॥ 85 ॥
गोलोको गोलको गोभृद्गोभर्ता गोसुखावहः ।
गोधुग्गोधुग्गणप्रेष्ठो गोदोग्धा गोपयप्रियः ॥ 86 ॥
गोत्रो गोत्रपतिर्गोत्रप्रभुर्गोत्रभयापहः ।
गोत्रवृद्धिकरो गोत्रप्रियो गोत्रार्तिनाशनः ॥ 87 ॥
गोत्रोद्धारपरो गोत्रप्रवरो गोत्रदैवतम् ।
गोत्रविख्यातनामा च गोत्री गोत्रप्रपालकः ॥ 88 ॥
गोत्रसेतुर्गोत्रकेतुर्गोत्रहेतुर्गतक्लमः ।
गोत्रत्राणकरो गोत्रपतिर्गोत्रेशपूजितः ॥ 89 ॥
गोत्रविद्गोत्रभित्त्राता गोत्रभिद्वरदायकः ।
गोत्रभित्पूजितपदो गोत्रभिच्छत्रुसूदनः ॥ 90 ॥
गोत्रभित्प्रीतिदो नित्यं गोत्रभिद्गोत्रपालकः ।
गोत्रभिद्गीतचरितो गोत्रभिद्राज्यरक्षकः ॥ 91 ॥
गोत्रभिद्वरदायी च गोत्रभित्प्रणयास्पदम् ।
गोत्रभिद्भयसम्भेत्ता गोत्रभिन्मानदायकः ॥ 92 ॥
गोत्रभिद्गोपनपरो गोत्रभित्सैन्यनायकः ।
गोत्राधिपप्रियो गोत्रपुत्रीपुत्रो गिरिप्रियः ॥ 93 ॥
ग्रन्थज्ञो ग्रन्थकृद्ग्रन्थग्रन्थभिद्ग्रन्थविघ्नहा ।
ग्रन्थादिर्ग्रन्थसञ्चारो ग्रन्थश्रवणलोलुपः ॥ 94 ॥
ग्रन्थाधीनक्रियो ग्रन्थप्रियो ग्रन्थार्थतत्त्ववित् ।
ग्रन्थसंशयसञ्छेत्ता ग्रन्थवक्ता ग्रहाग्रणीः ॥ 95 ॥
ग्रन्थगीतगुणो ग्रन्थगीतो ग्रन्थादिपूजितः ।
ग्रन्थारम्भस्तुतो ग्रन्थग्राही ग्रन्थार्थपारदृक् ॥ 96 ॥
ग्रन्थदृग्ग्रन्थविज्ञानो ग्रन्थसन्दर्भशोधकः ।
ग्रन्थकृत्पूजितो ग्रन्थकरो ग्रन्थपरायणः ॥ 97 ॥
ग्रन्थपारायणपरो ग्रन्थसन्देहभञ्जकः ।
ग्रन्थकृद्वरदाता च ग्रन्थकृद्ग्रन्थवन्दितः ॥ 98 ॥
ग्रन्थानुरक्तो ग्रन्थज्ञो ग्रन्थानुग्रहदायकः ।
ग्रन्थान्तरात्मा ग्रन्थार्थपण्डितो ग्रन्थसौहृदः ॥ 99 ॥
ग्रन्थपारङ्गमो ग्रन्थगुणविद्ग्रन्थविग्रहः ।
ग्रन्थसेतुर्ग्रन्थहेतुर्ग्रन्थकेतुर्ग्रहाग्रगः ॥ 200 ॥
ग्रन्थपूज्यो ग्रन्थगेयो ग्रन्थग्रथनलालसः ।
ग्रन्थभूमिर्ग्रहश्रेष्ठो ग्रहकेतुर्ग्रहाश्रयः ॥ 201 ॥
ग्रन्थकारो ग्रन्थकारमान्यो ग्रन्थप्रसारकः ।
ग्रन्थश्रमज्ञो ग्रन्थाङ्गो ग्रन्थभ्रमनिवारकः ॥ 202 ॥
ग्रन्थप्रवणसर्वाङ्गो ग्रन्थप्रणयतत्परः ।
गीतो गीतगुणो गीतकीर्तिर्गीतविशारदः ॥ 203 ॥
गीतस्फीतयशा गीतप्रणयी गीतचञ्चुरः ।
गीतप्रसन्नो गीतात्मा गीतलोलो गतस्पृहः ॥ 204 ॥
गीताश्रयो गीतमयो गीतातत्त्वार्थकोविदः ।
गीतासंशयसञ्छेत्ता गीतासङ्गीतशाशनः ॥ 205 ॥
गीतार्थज्ञो गीततत्त्वो गीतातत्त्वं गीताश्रयः ।
गीतासारो गीताकृतिर्गीताविघ्ननाशनः ॥ 206 ॥
गीतासक्तो गीतलीनो गीताविगतसञ्ज्वरः ।
गीतैकधृग्गीतभूतिर्गीतप्रीतिर्गतालसः ॥ 207 ॥
गीतवाद्यपटुर्गीतप्रभुर्गीतार्थतत्त्ववित् ।
गीतागीतविवेकज्ञो गीताप्रवणचेतनः ॥ 208 ॥
गतभीर्गतविद्वेषो गतसंसारबन्धनः ।
गतमायो गतत्रासो गतदुःखो गतज्वरः ॥ 209 ॥
गतासुहृद्गताज्ञानो गतदुष्टाशयो गतः ।
गतार्तिर्गतसङ्कल्पो गतदुष्टविचेष्टितः ॥ 210 ॥
गताहङ्कारसञ्चारो गतदर्पो गताहितः ।
गतविघ्नो गतभयो गतागतनिवारकः ॥ 211 ॥
गतव्यथो गतापायो गतदोषो गतेः परः ।
गतसर्वविकारोऽथ गतगर्जितकुञ्जरः ॥ 212 ॥
गतकम्पितभूपृष्ठो गतरुग्गतकल्मषः ।
गतदैन्यो गतस्तैन्यो गतमानो गतश्रमः ॥ 213 ॥
गतक्रोधो गतग्लानिर्गतम्लानो गतभ्रमः ।
गताभावो गतभवो गततत्त्वार्थसंशयः ॥ 214 ॥
गयासुरशिरश्छेत्ता गयासुरवरप्रदः ।
गयावासो गयानाथो गयावासिनमस्कृतः ॥ 215 ॥
गयातीर्थफलाध्यक्षो गयायात्राफलप्रदः ।
गयामयो गयाक्षेत्रं गयाक्षेत्रनिवासकृत् ॥ 216 ॥
गयावासिस्तुतो गायन्मधुव्रतलसत्कटः ।
गायको गायकवरो गायकेष्टफलप्रदः ॥ 217 ॥
गायकप्रणयी गाता गायकाभयदायकः ।
गायकप्रवणस्वान्तो गायकप्रथमस्सदा ॥ 218 ॥
गायकोद्गीतसम्प्रीतो गायकोत्कटविघ्नहा ।
गानगेयो गायकेशो गायकान्तरसञ्चरः ॥ 219 ॥
गायकप्रियदः शश्वद्गायकाधीनविग्रहः ।
गेयो गेयगुणो गेयचरितो गेयतत्त्ववित् ॥ 220 ॥
गायकत्रासहा ग्रन्थो ग्रन्थतत्त्वविवेचकः ।
गाढानुरागो गाढाङ्गो गाढगङ्गाजलोद्वहः ॥ 221 ॥
गाढावगाढजलधिर्गाढप्रज्ञो गतामयः ।
गाढप्रत्यर्थिसैन्योऽथ गाढानुग्रहतत्परः ॥ 222 ॥
गाढाश्लेषरसाभिज्ञो गाढनिवृतिसाधकः ।
गङ्गाधरेष्टवरदो गङ्गाधरभयापहः ॥ 223 ॥
गङ्गाधरगुरुर्गङ्गाधरध्यानपरस्सदा ।
गङ्गाधरस्तुतो गङ्गाधराराध्यो गतस्मयः ॥ 224 ॥
गङ्गाधरप्रियो गङ्गाधरो गङ्गाम्बुसुन्दरः ।
गङ्गाजलरसास्वादचतुरो गाङ्गनीरपः ॥ 225 ॥
गङ्गाजलप्रणयवान्गङ्गातीरविहारकृत् ।
गङ्गाप्रियो गाङ्गजलावगाहनपरस्सदा ॥ 226 ॥
गन्धमादनसंवासो गन्धमादनकेलिकृत् ।
गन्धानुलिप्तसर्वाङ्गो गन्धलुब्धमधुव्रतः ॥ 227 ॥
गन्धो गन्धर्वराजश्च गन्धर्वप्रियकृत्सदा ।
गन्धर्वविद्यातत्त्वज्ञो गन्धर्वप्रीतिवर्धनः ॥ 228 ॥
गकारबीजनिलयो गकारो गर्विगर्वनुत् ।
गन्धर्वगणसंसेव्यो गन्धर्ववरदायकः ॥ 229 ॥
गन्धर्वो गन्धमातङ्गो गन्धर्वकुलदैवतम् ।
गन्धर्वगर्वसञ्छेत्ता गन्धर्ववरदर्पहा ॥ 230 ॥
गन्धर्वप्रवणस्वान्तो गन्धर्वगणसंस्तुतः ।
गन्धर्वार्चितपादाब्जो गन्धर्वभयहारकः ॥ 231 ॥
गन्धर्वाभयदः शश्वद्गन्धर्वप्रतिपालकः ।
गन्धर्वगीतचरितो गन्धर्वप्रणयोत्सुकः ॥ 232 ॥
गन्धर्वगानश्रवणप्रणयी गर्वभञ्जनः ।
गन्धर्वत्राणसन्नद्धो गन्धर्वसमरक्षमः ॥ 233 ॥
गन्धर्वस्त्रीभिराराध्यो गानं गानपटुस्सदा ।
गच्छो गच्छपतिर्गच्छनायको गच्छगर्वहा ॥ 234 ॥
गच्छराजश्च गच्छेशो गच्छराजनमस्कृतः ।
गच्छप्रियो गच्छगुरुर्गच्छत्राणकृतोद्यमः ॥ 235 ॥
गच्छप्रभुर्गच्छचरो गच्छप्रियकृतोद्यमः ।
गच्छगीतगुणो गच्छमर्यादाप्रतिपालकः ॥ 236 ॥
गच्छधाता गच्छभर्ता गच्छवन्द्यो गुरोर्गुरुः ।
गृत्सो गृत्समदो गृत्समदाभीष्टवरप्रदः ॥ 237 ॥
गीर्वाणगीतचरितो गीर्वाणगणसेवितः ।
गीर्वाणवरदाता च गीर्वाणभयनाशकृत् ॥ 238 ॥
गीर्वाणगणसंवीतो गीर्वाणारातिसूदनः ।
गीर्वाणधाम गीर्वाणगोप्ता गीर्वाणगर्वहृत् ॥ 239 ॥
गीर्वाणार्तिहरो नित्यं गीर्वाणवरदायकः ।
गीर्वाणशरणं गीतनामा गीर्वाणसुन्दरः ॥ 240 ॥
गीर्वाणप्राणदो गन्ता गीर्वाणानीकरक्षकः ।
गुहेहापूरको गन्धमत्तो गीर्वाणपुष्टिदः ॥ 241 ॥
गीर्वाणप्रयुतत्राता गीतगोत्रो गताहितः ।
गीर्वाणसेवितपदो गीर्वाणप्रथितो गलन् ॥ 242 ॥
गीर्वाणगोत्रप्रवरो गीर्वाणफलदायकः ।
गीर्वाणप्रियकर्ता च गीर्वाणागमसारवित् ॥ 243 ॥
गीर्वाणगणसम्पत्तिर्गीर्वाणव्यसनापहः ।
गीर्वाणप्रणयो गीतग्रहणोत्सुकमानसः ॥ 244 ॥
गीर्वाणश्रमसंहर्ता गीर्वाणगणपालकः ।
ग्रहो ग्रहपतिर्ग्राहो ग्रहपीडाप्रणाशनः ॥ 245 ॥
ग्रहस्तुतो ग्रहाध्यक्षो ग्रहेशो ग्रहदैवतम् ।
ग्रहकृद्ग्रहभर्ता च ग्रहेशानो ग्रहेश्वरः ॥ 246 ॥
ग्रहाराध्यो ग्रहत्राता ग्रहगोप्ता ग्रहोत्कटः ।
ग्रहगीतगुणो ग्रन्थप्रणीता ग्रहवन्दितः ॥ 247 ॥
गर्वी गर्वीश्वरो गर्वो गर्विष्ठो गर्विगर्वहा ।
गवांप्रियो गवांनाथो गवेशानो गवांपतिः ॥ 248 ॥
गव्यप्रियो गवाङ्गोप्ता गवीसम्पत्तिसाधकः ।
गवीरक्षणसन्नद्धो गवीभयहरः क्षणात् ॥ 249 ॥
गवीगर्वहरो गोदो गोप्रदो गोजयप्रदः ।
गजायुतबलो गण्डगुञ्जन्मत्तमधुव्रतः ॥ 250 ॥
गण्डस्थलगलद्दानमिलन्मत्तालिमण्डितः ।
गुडो गुडप्रियो गुण्डगलद्दानो गुडाशनः ॥ 251 ॥
गुडाकेशो गुडाकेशसहायो गुडलड्डुभुक् ।
गुडभुग्गुडभुग्गुण्यो गुडाकेशवरप्रदः ॥ 252 ॥
गुडाकेशार्चितपदो गुडाकेशसखस्सदा ।
गदाधरार्चितपदो गदाधरवरप्रदः ॥ 253 ॥
गदायुधो गदापाणिर्गदायुद्धविशारदः ।
गदहा गददर्पघ्नो गदगर्वप्रणाशनः ॥ 254 ॥
गदग्रस्तपरित्राता गदाडम्बरखण्डकः ।
गुहो गुहाग्रजो गुप्तो गुहाशायी गुहाशयः ॥ 255 ॥
गुहाप्रीतिकरो गूढो गूढगुल्फो गुणैकदृक् ।
गीर्गीःपतिर्गिरीशानो गीर्देवीगीतसद्गुणः ॥ 256 ॥
गीर्देवो गीःप्रियो गीर्भूर्गीरात्मा गीःप्रियङ्करः ।
गीर्भूमिर्गीरसज्ञोऽथ गीःप्रसन्नो गिरीश्वरः ॥ 257 ॥
गिरीशजो गिरौशायी गिरिराजसुखावहः ।
गिरिराजार्चितपदो गिरिराजनमस्कृतः ॥ 258 ॥
गिरिराजगुहाविष्टो गिरिराजाभयप्रदः ।
गिरिराजेष्टवरदो गिरिराजप्रपालकः ॥ 259 ॥
गिरिराजसुतासूनुर्गिरिराजजयप्रदः ।
गिरिव्रजवनस्थायी गिरिव्रजचरस्सदा ॥ 260 ॥
गर्गो गर्गप्रियो गर्गदेवो गर्गनमस्कृतः ।
गर्गभीतिहरो गर्गवरदो गर्गसंस्तुतः ॥ 261 ॥
गर्गगीतप्रसन्नात्मा गर्गानन्दकरस्सदा ।
गर्गप्रियो गर्गमानप्रदो गर्गारिभञ्जकः ॥ 262 ॥
गर्गवर्गपरित्राता गर्गसिद्धिप्रदायकः ।
गर्गग्लानिहरो गर्गश्रमहृद्गर्गसङ्गतः ॥ 263 ॥
गर्गाचार्यो गर्गमुनिर्गर्गसन्मानभाजनः ।
गम्भीरो गणितप्रज्ञो गणितागमसारवित् ॥ 264 ॥
गणको गणकश्लाघ्यो गणकप्रणयोत्सुकः ।
गणकप्रवणस्वान्तो गणितो गणितागमः ॥ 265 ॥
गद्यं गद्यमयो गद्यपद्यविद्याविशारदः ।
गललज्ञमहानागो गलदर्चिर्गलन्मदः ॥ 266 ॥
गलत्कुष्ठव्यथाहन्ता गलतुष्टिसुखप्रदः ।
गम्भीरनाभिर्गम्भीरस्वरो गम्भीरलोचनः ॥ 267 ॥
गम्भीरगुणसम्पन्नो गम्भीरगतिशोभनः ।
गर्भप्रदो गर्भरूपो गर्भापद्विनिवारकः ॥ 268 ॥
गर्भागमनसम्भाषो गर्भदो गर्भशोकनुत् ।
गर्भत्राता गर्भगोप्ता गर्भपुष्टिकरस्सदा ॥ 269 ॥
गर्भाश्रयो गर्भमयो गर्भाभयनिवारकः ।
गर्भाधारो गर्भधरो गर्भसन्तोषसाधकः ॥ 270 ॥
गर्भगौरवसन्धानसाधनं गर्भगर्वहृत् ।
गरीयान् गर्वनुद्गर्वमर्दी गरदमर्दकः ॥ 271 ॥
गरसन्तापशमनो गुरुराज्यसुखप्रदः ।
फलश्रुतिः –
नाम्नां सहस्रमुदितं महद्गणपतेरिदम् ॥ 272 ॥
गकारादि जगद्वन्द्यं गोपनीयं प्रयत्नतः ।
य इदं प्रयतः प्रातस्त्रिसन्ध्यं वा पठेन्नरः ॥ 273 ॥
वाञ्छितं समवाप्नोति नात्र कार्या विचारणा ।
पुत्रार्थी लभते पुत्रान् धनार्थी लभते धनम् ॥ 274 ॥
विद्यार्थी लभते विद्यां सत्यं सत्यं न संशयः ।
भूर्जत्वचि समालिख्य कुङ्कुमेन समाहितः ॥ 275 ॥
चतुर्थां भौमवारो च चन्द्रसूर्योपरागके ।
पूजयित्वा गणधीशं यथोक्तविधिना पुरा ॥ 276 ॥
पूजयेद्यो यथाशक्त्या जुहुयाच्च शमीदलैः ।
गुरुं सम्पूज्य वस्त्राद्यैः कृत्वा चापि प्रदक्षिणम् ॥ 277 ॥
धारयेद्यः प्रयत्नेन स साक्षाद्गणनायकः ।
सुराश्चासुरवर्याश्च पिशाचाः किन्नरोरगः ॥ 278 ॥
प्रणमन्ति सदा तं वै दुष्ट्वां विस्मितमानसाः ।
राजा सपदि वश्यः स्यात् कामिन्यस्तद्वशो स्थिराः ॥ 279 ॥
तस्य वंशो स्थिरा लक्ष्मीः कदापि न विमुञ्चति ।
निष्कामो यः पठेदेतद्गणेश्वरपरायणः ॥ 280 ॥
स प्रतिष्ठां परां प्राप्य निजलोकमवाप्नुयात् ।
इदं ते कीर्तितं नाम्नां सहस्रं देवि पावनम् ॥ 281 ॥
न देयं कृपणयाथ शठाय गुरुविद्विषे ।
दत्त्वा च भ्रंशमाप्नोति देवतायाः प्रकोपतः ॥ 282 ॥
इति श्रुत्वा महादेवी तदा विस्मितमानसा ।
पूजयामास विधिवद्गणेश्वरपदद्वयम् ॥ 283 ॥
इति श्रीरुद्रयामले महागुप्तसारे शिवपार्वतीसंवादे
गकारादि श्रीगणपतिसहस्रनामस्तोत्रम् ॥
